សម្តេចធិបតីនាយករដ្ឋមន្ត្រី ហ៊ុន ម៉ាណែត ចេញអនុក្រឹត្យ ស្តីពី ការបង្កើតគណៈកម្មាធិការគ្រប់គ្រងធនធានខ្សាច់

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចេញអនុក្រឹត្យ ស្តីពី ការបង្កើតគណៈកម្មាធិការគ្រប់គ្រងធនធានខ្សាច់។ នេះបើតាមអនុក្រឹត្យដែលបណ្តាញព័ត៌មាន  ទទួលបាននៅថ្ងៃទី៣១ ខែសីហានេះ៕

ខាងក្រោមនេះជាអនុក្រឹត្យរបស់សម្តេចធិបតី ហ៊ុន ម៉ាណែត៖

(សូមអានបន្ត)

ដំណើរការជីកប្រឡាយក្រវាត់ជុំវិញ «ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» ប្រវែង ៣៧គីឡូម៉ែត្រ ត្រូវបិទបញ្ចប់ដោយភាពជោគជ័យ

  

រាជបណ្ឌិត្យសភាកម្ពុជា បានបញ្ជាក់នៅថ្ងៃទី៣០ ខែសីហា ឆ្នាំ២០២៤នេះថា ការជីកប្រឡាយក្រវាត់ជុំវិញ «ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប» ដែលមានប្រវែង ៣៧គីឡូម៉ែត្រ ទទឹង៦ម៉ែត្រ ជម្រៅ៣ម៉ែត្រ ត្រូវបានបិទបញ្ចប់ប្រកបដោយភាពជោគជ័យ។

បណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា បានថ្លែងអំណរគុណជាអនេកប្បការ ជូនដល់ជនរួមជាតិខ្មែរ ដែលបានលះបង់ថវិកាផ្ទាល់ខ្លួន ចូលរួមក្នុងការជីកប្រឡាយក្រវាត់ព្រុំដី នៅឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប រហូតដល់ទីបញ្ចប់។

ថ្លែងក្នុងឱកាសនោះផងដែរ បណ្ឌិតសភាចារ្យ សុខ ទូច បានបញ្ជាក់យ៉ាងច្បាស់ៗថា ទឹកប្រាក់ដែលប្រមូលបានពីសប្បុរសជនទាំងអស់ មានចំនួនសរុប ១៨០,០០០ដុល្លារ (ក្នុងនោះមានប្រាក់រៀល ចំនួន១៣៥លានរៀល និងប្រាក់ដុល្លារមានចំនួន ១៥០,០០០ដុល្លារផងដែរ)។

ជាមួយគ្នានោះផងដែរ លោកបណ្ឌិតសភាចារ្យបានសង្កត់ធ្ងន់ថា «ថវិកាទាំងអស់ត្រូវបានប្រើប្រាស់លើដំណើរការ ជីកប្រឡាយព្រំដីដោយម៉ត់ចត់ និងសុក្រឹត្យបំផុត ពោលគឺពុំមានការបាត់បង់ខុសខ្ទង់ចំណាយណាមួយឡើយ»។

បណ្ឌិតសភាចារ្យ សុខ ទូច បានបន្តថា «ការបិទបញ្ចប់ដោយជោគជ័យនៃការជីកប្រឡាយនេះ កើតចេញពីទឹកចិត្ត និងបេះដូងពិតៗរបស់បងប្អូនសប្បុរសខ្មែរគ្រប់មជ្ឈដ្ឋាន»។

លោកបណ្ឌិតសភាចារ្យ បានក្រើនរំលឹកថា ការចូលរួមចំណែករបស់បងប្អូនខ្មែរក្នុងការជីកប្រឡាយនេះ គឺបានបន្សល់ទុកនូវភស្តុតាងប្រវត្តិសាស្រ្តដ៏អស្ចារ្យ សម្រាប់កូនចៅជំនាន់ក្រោយរបស់យើង។ ពិតណាស់ ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប ពិតជាសំបូរទៅដោយសក្តានុពលជាច្រើន រួមមាន ធនធានធម្មជាតិ ព្រៃឈើ សត្វព្រៃ សត្វស្លាបកម្រ ឡស្លដែកបុរាណ ត្រពាំងបុរាណ ជនជាតិដើមភាគតិច ជាដើម។ ដោយសង្កេតឃើញពី សារៈសំខាន់ទាំងនេះហើយ ទើបរាជបណ្ឌិត្យសភាកម្ពុជា ត្រូវតែយកចិត្តទុកថែរក្សាធនធានទាំងអស់នោះ តាមរយៈការអភិរក្សដោយម៉ឺងម៉ាត់បំផុត។

ប្រធានរាជបណ្ឌិត្យសភាកម្ពុជា បានគូសបញ្ជាក់ជូនបងប្អូនប្រជាពលរដ្ឋថា ការជីកប្រឡាយព្រុំដីនេះមិនត្រឹមត្រូវអាចការពារធនធានសំខាន់ៗនៅក្នុងឧទ្យានប៉ុណ្ណោះទេ ប៉ុន្តែថែមទាំងអាចផ្តល់ប្រភពទឹកសម្រាប់បងប្អូនប្រជាពលរដ្ឋមូលដ្ឋាន និងសត្វព្រៃផងដែរ។

លោកបណ្ឌិតសភាចារ្យ បានបន្ថែមថា៖ «មានទឹក គឺមានអ្វីៗទាំងអស់» ដោយសារតែបែបនេះហើយ ទើបបុព្វបុរសខ្មែរជំនាន់ដើមឱ្យតម្លៃលើការរៀបចំប្រព័ន្ធទឹក នៅពេលរៀបចំក្រុង។ ក្នុងន័យនេះ ទឹកគឺធនធានដ៏សំខាន់បំផុតសម្រាប់ការដាំដុះដំណាំ និងការប្រើប្រាស់ប្រចាំថ្ងៃសម្រាប់ប្រជាពលរដ្ឋ។

លើសពីនេះទៅទៀត លោកបណ្ឌិតសភាចារ្យ បានជម្រាបជូនសាធារណជនថា បន្ទាប់ពីការជីកប្រឡាយព្រុំដីនេះបានបញ្ចប់ទៅ ក្រុមការងារឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប នឹងដាំដើមត្នោត និងផ្កាជាច្រើនដើមនៅតាមបណ្តោយមាត់ប្រឡាយ ដើម្បីលម្អសោភណ្ឌភាពសម្រាប់ភ្ញៀវទេសចរទាំងឡាយ ដែលអញ្ជើញមកទស្សនាផ្ទាល់នៅឧទ្យាន។

លោកបណ្ឌិតសភាចារ្យ សុខ ទូច ក៏បានស្នើឱ្យក្រសួងធនធានទឹក និងឧទុនិយម មេត្តាស្តារទំនប់បង្ហៀរ និងកាយទីតាំងប្រភពទឹកមួយចំនួនដែលស្ទះ ដើម្បីទាញយកទឹកសម្រាប់បងប្អូនប្រជាពលរដ្ឋ មូលដ្ឋានអាស្រ័យផលដំណាំនៅឧទ្យាន៕

(សូមអានបន្ត)

ឧត្តមសេនីយ៍ឯក រ័ត្ន ស្រ៊ាង ទទួល​សញ្ញាបត្របញ្ជាក់កម្រិតក្បាច់គុនការ៉ាតេ ខ្សែក្រវ៉ាត់ខ្មៅ ៥ដាន់

(ភ្នំពេញ)៖ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានទទួល​សញ្ញាបត្របញ្ជាក់កម្រិតក្បាច់គុនការ៉ាតេ ខ្សែក្រវ៉ាត់ខ្មៅ ៥ដាន់ ពីប្រធានសហព័ន្ធការ៉ាតេកម្ពុជា គឺលោកបណ្ឌិត​សភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នាព្រឹកថ្ងៃទី២៩ ខែសីហា ឆ្នាំ២០២៤ ម្សិលមិញ។

លោកឧត្តមសេនីយ៍ឯក រ័ត្ន ស៊្រាង ធ្លាប់បានហាត់ការ៉ាតេ កម្រិតខ្សែក្រវ៉ាត់ខ្មៅ តាំងពី៤០ឆ្នាំមុន ហើយក៏ធ្លាប់បានទទួលសញ្ញាបត្រកម្រិតអន្តរជាតិតេក្វាន់ដូ ខ្សែក្រវ៉ាត់ខ្មៅ ៤ដាន់ របស់សហព័ន្ធតេក្វាន់ដូអន្តរជាតិ ITF កាលពីឆ្នាំ២០១២ ផងដែរ៕

(សូមអានបន្ត)

សម្តេចតេជោ ហ៊ុន សែន អញ្ជើញទទួលសារតាំងរបស់ឯកអគ្គរដ្ឋទូតអូស្ត្រាលី

នៅព្រឹកថ្ងៃសុក្រ ទី៣០ ខែសីហា ឆ្នាំ២០២៤នេះ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ក្នុងឋានៈជាប្រមុខរដ្ឋស្តីទី អញ្ជើញទទួលសារតាំងរបស់លោក ដឺរិក យីប(Derek Yip) ឯកអគ្គរដ្ឋទូតថ្មីរបស់អូស្ត្រាលីប្រចាំនៅកម្ពុជា។

សូមបញ្ជាក់ថា រាល់ឯកអគ្គរាជទូត ឬឯកអគ្គរដ្ឋទូតប្រទេសនានា ដែលបង្កើតទំនាក់ទំនងជាមួយកម្ពុជា នៅពេលចូលមកបំពេញការងារនៅកម្ពុជា ត្រូវបង្ហាញខ្លួន និងថ្វាយសារតាំងថ្វាយព្រះមហាក្សត្រ។ តែនៅពេលព្រះមហាក្សត្រមិនគង់ប្រថាប់ក្នុងប្រទេស ត្រូវប្រគល់សារតាំងជូនប្រមុខរដ្ឋស្តីទី៕

(សូមអានបន្ត)

រដ្ឋមន្រ្តីប្រតិភូអមនាយករដ្ឋមន្រ្តី ក្រើនរម្លឹក អាជ្ញាធរ សមត្ថកិច្ចពាក់ព័ន្ធតាមមូលដ្ឋាន មិនត្រូវពាក់ព័ន្ធជាមួយគ្រប់បទល្មើសជាដាច់ខាត

ឯកឧត្តមនាយឧត្តមសេនីយ៍ជួន សុវណ្ណ រដ្ឋមន្រ្តីប្រតិភូអមនាយករដ្ឋមន្រ្តី និងប្រធានក្រុមការងារពិសេសតាមដានការអនុវត្តគោលការណ៍របស់នាយករដ្ឋមន្ត្រី ពាក់ ព័ន្ធការងារសន្តិសុខ សណ្តាប់ធ្នាប់សង្គម បានបញ្ជាក់ថា វិធានការយើងបង្រ្កាប ឱ្យមានប្រសិទ្ធបំផុតនោះ គឺអាជ្ញាធរ សមត្ថកិច្ចពាក់ព័ន្ធតាមមូលដ្ឋាន មិនត្រូវពាក់ព័ន្ធជាមួយ គ្រប់បទល្មើសជាដាច់ខាត ទើបការបង្រ្កាបនោះ មានតម្លាភាព ប្រសិទ្ធភាព ទប់ស្កាត់បានទាន់ពេលវេលា។

មានប្រសាសន៍យ៉ាងដូច្នេះក្នុងឱកាសឯកឧត្តមនាយកឧត្តមសេនីយ៍ ជួន សុវណ្ណ អញ្ជើញជាអធិបតីក្នុងកិច្ចប្រជុំគណៈបញ្ជាការឯកភាពរដ្ឋបាលខេត្តបន្ទាយមានជ័យ ជា មួយក្រុមការងារពិសេសតាមដានការអនុវត្តគោលការណ៍របស់នាយករដ្ឋមន្ត្រីពាក់ព័ន្ធកិច្ចការសនិ្តសុខ សណ្ដាប់ធ្នាប់សង្គម ដែលបានធ្វើឡើងនៅសាលាខេត្ត កាលពីរសៀលថ្ងៃទី២៨ ខែសីហា ឆ្នាំ២០២៤នេះ ដែលមានការចូលរួមឯកឧត្តមអភិបាលខេត្ត លោកអភិបាលរងខេត្តប្រធានមន្ទីរ មេបញ្ជាការកង កម្លាំងទាំង៣ប្រភេទ អភិបាលក្រុង-ស្រុកទាំង៩ ប៉ុស្តិ៍នគរបាល មេឃុំ-ចៅសង្កាត់ទាំង៦៧ទូទាំងខេត្ត ។

នៅក្នុងឱកាសនោះ ឯកឧត្តមនាយឧត្តមសេនីយ៍ ជួន សុវណ្ណ បានថ្លែងថា យោងតាមបទបញ្ជាសម្តេចមហាបវរធិបតី ហ៊ុន ម៉ាណែតនាយករដ្ឋមន្រ្តីនៃកម្ពុជា រួចមក គណ:កម្មការគ្រប់គ្រងល្បែងពាណិជ្មកម្ម កម្ពុជា ត្រូវបិទ និងនិរាករណ៍ អាជ្ញាប័ណ្ណនោះ ដែលជាអាជីវកម្មល្បែងឆ្នោតផ្សងសំណាង និងល្បែងស៊ីសងខុសច្បាប់គ្រប់ ប្រភេទក្នុងទូទាំងប្រទេស ពិសេសនៅភូមិសាស្ត្រខេត្តបន្ទាយមានជ័យ ព្រមទាំងជំរុញឱ្យអាជ្ញាធរពាក់ព័ន្ធគ្រប់លំដាប់ថ្នាក់បានចុះធ្វើបច្ចុប្បន្នភាពក្នុងខេត្ត និង ធ្វើការបិទទាំងស្រុងរាល់ល្បែងខុសច្បាប់ទាំងអស់នោះ។

ឯកឧត្តមនាយឧត្តមសេនីយ៍ ជួន សុវណ្ណ បានបន្តថា យើងមិនធ្វើតែរាល់ល្បែងខុសច្បាប់នោះទេ គឺត្រូវរួមគ្នាបង្រ្កាប បទល្មើសផ្សេងទៀតដូចជា អ្នកចែកចាយគ្រឿងញៀន ក្មេងទំនើង ត្រូវដាក់ទោសឱ្យធ្ងន់បំផុត ដោយអនុវត្តន៍តាមពាក្យ ស្លោកថា ៣កុំ គឺ កុំពាក់ព័ន្ធ ,កុំអន្តរាគមន៍ ,កុំបន្ធូរបន្ថយទោស (ជាសមត្ថកិច្ចតុលាការ) និង១រាយការណ៍ បើឃើញបទល្មើសហើយត្រូវរាយការណ៍ជូនសមត្ថកិច្ចបន្ទាន់។

ឯកឧត្តម អ៊ុំ រាត្រី អភិបាលខេត្ត និងជាប្រធានគណៈបញ្ជាការឯកភាព រដ្ឋបាលខេត្តបន្ទាយមានជ័យ បានមានប្រសាសន៍ថា ក្នុងឆមាសទី១ ដើមឆ្នាំ២០២៤ គណៈបញ្ជាការឯកភាពរដ្ឋបាលខេត្ត រក្សាបាននូវសន្តិសុខ សណ្តាប់ធ្នាប់សង្គម និងសុវត្ថិភាពសាធារណៈ។ បទល្មើសនានាមានការថយចុះ ជាពិសេសគ្រោះថ្នាក់ចរាចរ ក្មេងទំនើង ល្បែងស៊ីសងខុសច្បាប់ផ្សេងៗ តាមរយៈសកម្មភាពនៃការអនុវត្ត នូវគោលនយោបាយភូមិ ឃុំ សង្កាត់មានសុវត្ថិភាព ព្រមទាំងមានការសហការយ៉ាងជិតស្និទ្ធ និងមានទំនាក់ទំនងល្អជាមួយគ្រប់សមាសភាពពាក់ព័ន្ធទាំងអស់ក្នុងខេត្ត។

ទន្ទឹមនឹងនេះ រដ្ឋបាលខេត្ត ក៏មានកិច្ចការងារជាច្រើនទៀតដែលត្រូវអនុវត្តន៍បន្ត និងត្រូវខិតខំព្យាយាមដោះស្រាយនូវបញ្ហាប្រឈមនានា ឱ្យស្របតាមកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា សំដៅលើកកម្ពស់ កិច្ចអភិវឌ្ឍន៍ខេត្តឱ្យកាន់តែរីកចម្រើនថែមទៀតនោះ៕

(សូមអានបន្ត)