បណ្ឌិត ម៉ឹង មករា នាំអំណោយសម្តេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ជូនគ្រួសារក្រីក្រជាង១០០គ្រួសារ និងគ្រូបង្រៀន សិស្សានុសិស្ស នៅស្រុកជើងព្រៃ

(កំពង់ចាម)៖​ លោកបណ្ឌិត ម៉ឹង មករា ប្រធានសមាគមយុវជនក្រុម៨ អំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ចែកអំណោយជូនគ្រួសារក្រីក្រ ចំនួន ១០៩គ្រួសារ និងគ្រូបង្រៀន ព្រមទាំងសិស្សានុសិស្ស ចំនួន ៨៨នាក់ នៅស្រុកជើងព្រៃ ខេត្តកំពង់ចាម។

អំណោយដែលចែកជូនប្រជាពលរដ្ឋក្រីក្រ ចំនួន ១០៩គ្រួសារ ដោយក្នុងមួយគ្រួសារទទួលបាន៖ អង្ករ១បាវ ៥០គីឡូក្រាម, ត្រីខ១យួរ, មីជាតិ១កេស, ទឹកត្រី១យួរ, ទឹកស៊ីអ៉ីវ១យួរ, ស្ករស១កញ្ចប់, អំបិល១កញ្ចប់, ប៊ីចេង១កញ្ចប់, ប្រេងឆា១ដប, ក្រម៉ា១, សារ៉ុង១ និងខ្មៅដៃនិងបណ្តូលខ្មៅដៃ១ប្រអប់

ចំពោះអំណោយចែកជូនគ្រូបង្រៀន ៦នាក់រួមមាន៖ ប៊ិច៥ដើម សៀវភៅ៥ក្បាល ដបទឹក១ កាបូបយួរ១ នឹងថវិកា ១០ម៉ឺនរៀល ក្នុងម្នាក់ៗ។ ចំពោះសិស្សានុសិស្ស ៨២នាក់ ម្នាក់ៗទទួលបាន ខ្មៅដៃ៥ដើម បណ្តូលខ្មៅដៃ៥បន្ទះ ប៊ិច៥ដើម សៀវភៅ ១ក្បាល និងកាបូបប៊ិច១។

អំណោយដែលចែកជូនក្នុងពិធីនេះ ជាអំណោយដ៏ថ្លៃថ្លារបស់ សម្ដេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី តាមរយៈសមាគមយុវជនក្រុម៨។

លោកបណ្ឌិត ម៉ឹង មករា បានពាំនាំការសួរសុខទុក្ខ និងការនឹករលឹកពី សម្តេចធិបតី ហ៊ុន ម៉ាណែត ជូនចំពោះប្រជាពលរដ្ឋទាំងអស់ ដែលមានវត្តមានក្នុងកម្មវិធីនេះ។

លោកបណ្ឌិត ម៉ឹង មករា ក៏បានផ្សព្វផ្សាយបន្ថែមនូវគោលនយោបាយយុទ្ធសាស្ត្ររបស់រាជរដ្ឋាភិបាលអាណត្តិទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្ត្រី ក្នុងការលើកស្ទួយកម្រិតជីវភាគ្រួសារប្រជាពលរដ្ឋគ្រប់ទីកន្លែងទូទាំងប្រទេស បង្កើតការងារ និងធនធានមនុស្សឲ្យបានកាន់តែច្រើន ដើម្បីចូលរួមចំណែកក្នុងការធានាឲ្យបាននូវកំណើនសេដ្ឋកិច្ចជាតិ។ ការបន្តជួយដល់ប្រជាជន បញ្ជាក់ឲ្យឃើញថា ថ្នាក់ដឹកនាំរាជរដ្ឋាភិបាល តែងតែយកចិត្តទុកដាក់ជាប់ជាប្រចាំដោះស្រាយនូវទុក្ខលំបាករបស់ប្រជាពលរដ្ឋ ការពារ និងបម្រើប្រជាពលរដ្ឋគ្រប់កាលៈទេសៈ។

ឆ្លៀតក្នុងឱកាសសំណេះសំណាលនេះផងដែរ លោកបណ្ឌិត ម៉ឹង មករា បានសង្កត់ធ្ងន់ថា ប្រជាពលរដ្ឋអាចបង្កបង្កើនផល មានលទ្ធភាពប្រកបអាជីវកម្មចិញ្ចឹមគ្រួសារ ទទួលបានសេវាពិនិត្យព្យាបាលជម្ងឺ មានកម្មសិទ្ធិដីធ្លី លំនៅឋាន មានសាលារៀន មន្ទីរពេទ្យ វត្តអារាម និងអាចធ្វើដំណើរគ្រប់ទីកន្លែងទៅបាន ក៏អាស្រ័យដោយប្រទេសជាតិមានសុខសន្តិភាព និងមានការអភិវឌ្ឍន៍ពេញលេញ ក្រោមការដឹកនាំដ៏ឈ្លាសវៃ និងប៉ិនប្រសព្វរបស់សម្តេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា ជាងបួនទសវត្សរ៍កន្លងមក ដែលស្នាដៃដ៏ឧត្តុង្គឧត្តមនេះ ត្រូវបានបន្តវេនថែរក្សា និងដឹកនាំអភិវឌ្ឍន៍ដោយ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលធានាបាននូវសុខសន្តិភាព និងការអភិវឌ្ឍពេញលេញជូនប្រជាពលរដ្ឋ និងប្រទេសជាតិទាំងមូល។

ក្រោមការដឹកនាំ លោកបណ្ឌិត ម៉ឹង មករា ប្រធានសមាគមយុវជនក្រុម៨ បានរួមចំណែកចុះជួយប្រជាពលរដ្ឋ រួមមាន៖ ការកសាងផ្លូវថ្នល់ សាលារៀន មន្ទីរពេទ្យ វត្តអារាម ទំនប់ទឹក ប្រឡាយទឹក ស្រះទឹក ការដាំកូនឈើ ព្រមទាំងការងារសេដ្ឋកិច្ចសង្គម រួមមានវិស័យសុខាភិបាល វិស័យអប់រំ ជាពិសេស វិស័យកសិកម្ម ដែលជាសសរស្ដមសេដ្ឋកិច្ចជាតិដ៏មានសារៈសំខាន់សម្រាប់គ្រួសារប្រជាពលរដ្ឋនៅជនបទ៕

(សូមអានបន្ត)

នាយឧត្តមសេនីយ៍ វង្ស ពិសេន ផ្ញើសារជូនកងទ័ពទូទាំងប្រទេស ក្នុងឱកាសចូលឆ្នាំសកល២០២៤

 

(ភ្នំពេញ)៖ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមភូមិន្ទ បានផ្ញើសារលិខិតជូនកងទ័ពនៅទូទាំងប្រទេស នាឱកាសចូលឆ្នាំសកល២០២៤។

តាមរយៈសារជូនពរនេះ នាយឧត្តមសេនីយ៍ វង្ស ពិសេន បានសាកសួរសុខទុក្ខពោពេញដោយមនោសញ្ចេតនា នឹករលឹកស្រឡាញ់យ៉ាងជ្រាលជ្រៅ បំផុតចំពោះនាយទាហាន នាយទាហានរង និងពលទាហានទាំងអស់ នៃកងយោធពលខេមភូមិន្ទ ដែលក្នុងឆ្នាំកន្លងទៅ បានខិតខំពុះពារជម្នះរាល់ការលំបាក ធ្វើពលីកម្មគ្រប់បែបយ៉ាងដើម្បីថែរក្សាសុខសន្តិភាព ស្ថិរភាពសង្គម ការពារបូរណភាពទឹកដី និងអធិបតេយ្យជាតិមាតុភូមិជាទីសេ្នហានៃយើង។

ខាងក្រោមនេះជាសារលិខិតជូនពររបស់នាយឧត្តមសេនីយ៍ វង្ស ពិសេន៖

(សូមអានបន្ត)

តើសមត្ថកិច្ចបង្ក្រាបបទល្មើសធនធានធម្មជាតិឃុបឃិតជាមួយឈ្មួញខុសដែរឬទេ?

សមត្ថកិច្ចម្នាក់ដែលមានភារកិច្ចទប់ស្កាត់និងបង្ក្រាបបទល្មើសធនធានធម្មជាតិនៅតំបន់កោះខ្ញែ ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះមានការទំនាក់ទំនងយ៉ាងស្អិតរមួតជាមួយឈ្មួញរកស៊ីទិញនិងដឹកជញ្ជូនផលអនុផលព្រៃឈើខុសច្បាប់។

ជាក់ស្ដែងកាលពីថ្ងៃទី 28 ខែ 12 ឆ្នាំ 2023 មានភ្នាក់ងារសារព័ត៌មានម្នាក់បានរាយការណ៍ជូនដល់សមត្ថកិច្ចនូវគំនរឈើដែលឈ្មួញយកមកលាក់ទុកនៅ កំពង់ទឹកក្រោមផ្ទះប្រជាពលរដ្ឋម្នាក់ស្ថិតនៅក្នុងភូមិកោះខ្ញែ ឃុំអូរគ្រៀង ស្រុកអូរគ្រៀងសែនជ័យ ខែត្តក្រចេះ បន្ទាប់ពីមានបទបញ្ជាពីមេបញ្ជាការរបស់សមត្ថក៨ច្ចរូបនោះខ្លួនគាត់ក៏បានហៅភ្នាក់ងារសារព័ត៌មានម្នាក់នោះទៅចង្អុលបង្ហាញនូវគំនរឈើនិងទីតាំង ក្រោយពីគាត់ត្រួតពិនិត្យនិងរាប់ចំនួនសន្លឹកឈើរួច សមត្ថកិច្ចរូបនោះបានហៅភ្នាក់ងារសារព័ត៌មានម្នាក់ដែលបានរាយការណ៍ជូនឲ្យទៅក្រោមផ្ទះរបស់ឈ្មួញឈើឈ្មោះលីស្ថិតនៅភូមិកោះខ្ញែហើយនិយាយថាឈើតិចដែរទេដោះស្រាយរកសោហ៊ុយសាំងទៅ តែភ្នាក់ងារសារព័ត៌មានម្នាក់នោះបានបដិសេធដោយលោកមិនហ៊ានទទួលផលប្រយោជន៍ ជាថ្នូរនិងការរាយការណ៍បិទបាំងព័ត៌មាននោះទេ។
ក្រោយពីបែកគ្នាមន្ត្រីអនុវត្តច្បាប់ក្នុងការទប់ស្កាត់និងបង្ក្រាបបទល្មើសធនធានធម្មជាតិរូបនោះបានបន្តទូរសព្ទទៅភ្នាក់ងារអ្នកសារព័ត៌មានម្នាក់នោះដដែលដោយសុំឲ្យយកសេវាទៅភ្ងាក់ងារនោះនៅតែបដិសេធមិនហ៊ានទទួលដដែល។
ក្រោយពីបដិសេធមិនទទួលនៅសំណូកពីភ្នាក់ងារសារព័ត៌មានរូបនោះមក ក៏មានកម្លាំងសមត្ថកិច្ចមួយក្រុមទៀតចំនួន 5 នាក់បានចុះទៅដល់កន្លែងស្តុបឈើនោះតែអ្វីចម្លែកវត្ថុតាងឈើនោះត្រូវបាត់អស់នៅសល់តែបន្តិចបន្តួចប៉ុណ្ណោះ។
តើទង្វើរបស់មន្ត្រីអនុវត្តច្បាប់ដែលមានតួនាទីភារកិច្ចទប់ស្កាត់និងបង្ក្រាបបទល្មើសធនធានធម្មជាតិម្នាក់នោះធ្វើរបៀបនេះខុសច្បាប់ដែរឬទេ?
សូមមេបញ្ជាការអង្គភាពរបស់បុគ្គលដែលបានប្រព្រឹត្តនូវទង្វើមិនល្អ  ផ្ទុយពីច្បាប់ការងាររបស់ខ្លួនម្នាក់នោះមេត្តាសូមមានវិធានការណែនាំគាត់ឱ្យឈប់ដើរជាមួយឈ្មួញឈើដ៏សកម្មឈ្មោះលីនោះទៀតទៅ។

(សូមអានបន្ត)

ក្រសួងទូរគមនាគមន៍៖ ពេលទៅលេងសមុទ្រ នៅខេត្តព្រះសីហនុ អាចប្រើ Wi-Fi សាធារណៈ ដោយឥតគិតថ្លៃ !

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ បានប្រកាសនៅថ្ងៃទី៣០ ខែធ្នូ ឆ្នាំ២០២៣នេះថា ចាប់ពីពេលនេះទៅ នៅឆ្នេរធំៗចំនួន២ គឺឆ្នេរអូឈើទាល និងឆ្នេរអូត្រេស ក្នុងខេត្តព្រះសីហនុ មាន​ Wi-Fi សាធារណ:​ ដែលក្រសួងផ្តល់ ជូនការប្រើប្រាស់សេវាអ៊ីនធឺណិត ដោយឥតគិតថ្លៃ។

សូមបងប្អូនប្រជាពលរដ្ឋ សាធារណជនជាតិ និងអន្តរជាតិ ស្វែងរកទីតាំង​នៅតាមឆ្នេរទាំង ២ នេះ ហើយអាចភ្ជាប់ដោយ​ QR Code ក្នុងរូបខាងក្រោម ឬផ្ទាំងដាក់បង្ហាញនៅតាមទីតាំងជាក់ស្តែង ដើម្បីភ្ជាប់ Wi-Fi។

តំណភ្ជាប់សម្រាប់មើលទីតាំង Wi-Fi សាធារណៈរបស់ក្រសួង៖ https://mptc.gov.kh/public-wif

(សូមអានបន្ត)

លោក ហ៊ុន ម៉ានី អញ្ជើញជាអធិបតីក្នុងពិធីផ្សព្វផ្សាយសេចក្ដីសម្រេចចិត្ត របស់មហាសន្និបាតវិសាមញ្ញតំណាងទូទាំងប្រទេសរបស់គណប្សប្រជាជនកម្ពុជា

(ភ្នំពេញ)៖ លោក ហ៊ុន ម៉ានី សមាជិកគណៈអចិន្ត្រៃយ៍ នៃគណៈកម្មាធិការកណ្ដាលគណប្សប្រជាជនកម្ពុជា នៅរសៀលថ្ងៃទី២៩ ខែធ្នូ ឆ្នាំ២០២៣នេះ បានអញ្ជើញជាអធិបតីក្នុងពិធីផ្សព្វផ្សាយសេចក្ដីសម្រេចចិត្តរបស់មហាសន្និបាតវិសាមញ្ញតំណាងទូទាំងប្រទេសរបស់គណបក្សកាលពីថ្ងៃទី៩ ដល់ទី១០ ខែធ្នូ ឆ្នាំ២០២៣ ជូនដល់សមាជិកសមាជិកាគណបក្សប្រជាជនកម្ពុជា ជាង៦០០នាក់ នៅមន្ទីរគណបក្សប្រជាជនកម្ពុជារាជធានីភ្នំពេញ។

នាឱកាសដ៏ពិសេសនេះ អង្គពិធីបានបង្ហាញការអបអរសាទរជូនចំពោះ សម្ដេចមហាបវរធិបតី ហ៊ុន ម៉ាណែត ដែលត្រូវបានមហាសន្និបាត បោះឆ្នោតជ្រើសតាំងជាអនុប្រធានគណបក្ស និងបានសាទរ លោក ហ៊ុន ម៉ានី ដែលមហាសន្និបាតបោះឆ្នោតជ្រើសតាំងជាសមាជិកអចិន្ត្រៃយ៍ នៃគណៈកម្មាធិការកណ្ដាលគណបក្សប្រជាជនកម្ពុជា។

ក្រោយបានស្តាប់ការអានសេចក្ដីសម្រេចចិត្តរបស់មហាសន្និបាត និងការប្រកាសសមាសភាពដែលត្រូវបានជ្រើសតាំងរួចមក លោក ហ៊ុន ម៉ានី បានថ្លែងរំលឹកពីដំណើរប្រវត្តិសាស្ត្រដែលកម្ពុជា បានឆ្លងកាត់ជាច្រើនដំណាក់កាល គិតចាប់ត្រឹមពីការទទួលបានឯករាជ្យ ការឆ្លងកាត់សម័យសង្គមតរាស្ត្រនិយម សម័យសង្គ្រាម របបប្រល័យពូជសាសន៍ខ្មែរក្រហម និងដំណាក់កាលនៃការតស៊ូ រំដោះប្រទេសពីរបបខ្មែរក្រហម ឈានដល់ដំណើរស្វែងរកសន្តិភាពពេញលេញជូនជាតិ និងប្រជាជនដោយគណបក្សប្រជាជន។

មកដល់ចំណុចនេះ លោកបានរំលឹកជូនសមាជិកសមាជិកាបក្ស នូវខួប ៧០ឆ្នាំនៃការទទួលបានឯករាជ្យជាតិ, ខួប ២៥ឆ្នាំ នៃការទទួលបានសន្តិភាពពេញលេញក្រោមនយោបាយឈ្នះ-ឈ្នះ របស់ សម្ដេចតេជោ ហ៊ុន សែន, និងការជិតមកដល់នៃខួប ៤៥ឆ្នាំនៃទិវាជ័យជម្នះ ៧មករាផងដែរ។

ផ្សាភ្ជាប់ចំណុចខាងលើដែរ លោក ហ៊ុន ម៉ានី ក៏បានផ្ដល់ទស្សនទានជុំវិញសណ្ដាប់ធ្នាប់ពិភពលោក ស្ថានភាពប្រកួតប្រជែង ភូមិសាស្ត្រនយោបាយ បរិបទវិបត្តិជំងឺកូវីដ១៩ បញ្ហាបម្រែបម្រួលអាកាសធាតុ និងបញ្ហាសង្គ្រាម ដែលបាន និងកំពុងជះឥទ្ធិពលមកលើសេដ្ឋកិច្ចនិងនយោបាយសកល និងកម្ពុជា។

យ៉ាងណាក្តី លោកបានគូសបញ្ជាក់ថា កម្ពុជានៅតែរក្សាបាននូវភាពធន់ ដោយរក្សាបានសន្តិភាព ស្ថិរភាពនយោបាយ កំណើនសេដ្ឋកិច្ច វឌ្ឍនភាពសង្គម ព្រមទាំងបំពេញបានយ៉ាងល្អប្រសើរនូវកាតព្វកិច្ចកម្ពុជាក្នុងកិច្ចការអន្តរជាតិ និងក្នុងក្របខណ្ឌអាស៊ាន។ ជាមួយគ្នានេះ លោកក៏បានបញ្ជាក់ជូនសមាជិក សមាជិកា ចំពោះជំហានឆ្ពោះទៅមុខ របស់កម្ពុជា ក្នុងការឈានទៅសម្រេចមហិច្ឆតាប្រែក្លាយ ទៅជាប្រទេសមានចំណូលមធ្យមកម្រិតខ្ពស់។

លោក ហ៊ុន ម៉ានី បានណែនាំឲ្យសមាជិក សមាជិកា ទាំងអស់ពង្រឹងភាពជាអ្នកដឹកនាំ និងសមត្ថភាពស្ថាប័នលើគ្រប់វិស័យ ស្របតាមមាគ៌ានយោបាយដឹកនាំរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីរួមជាកម្លាំងក្នុងការអភិវឌ្ឍជាតិ ការពាររដ្ឋធម្មនុញ្ញ សន្តិភាព ប្រជាធិបតេយ្យ អធិបតេយ្យភាព ផលប្រយោជន៍ជាតិ និងប្រជាជន ធានាបាននូវកំណើន និងស្ថិរភាពម៉ាក្រូសេដ្ឋកិច្ចព្រមទាំងគោលនយោបាយការបរទេសដ៏ត្រឹមត្រូវ។

លោកបានណែនាំ ដល់សមាជិក សមាជិកា បក្សទាំងអស់ឲ្យចូលរួមបំពេញតួនាទីភារកិច្ចទាំងក្នុងក្របខណ្ឌរាជរដ្ឋាភិបាល និងគណបក្សឲ្យកាន់តែមានប្រសិទ្ធភាពថែមទៀត ស្របតាមគោលនយោបាយរាជរដ្ឋាភិបាល និងគោលនយោបាយគណបក្ស ព្រមទាំងទស្សនវិស័យដឹកនាំរបស់ សម្ដេចធិបតី និងសូមឲ្យធ្វើការបន្តផ្សព្វផ្សាយសេចក្ដីសម្រេចរបស់មហាសន្និបាតវិសាមញ្ញរបស់គណបក្ស ជូនដល់សមាជិក សមាជិកាគណបក្សនៅគ្រប់មូលដ្ឋានទាំងអស់ឲ្យបានជ្រួតជ្រាប៕

(សូមអានបន្ត)

រដ្ឋមន្រ្តីសុខាភិបាល ដឹកនាំកិច្ចប្រជុំការងារប្រចាំខែធ្នូ ដើម្បីពិនិត្យវឌ្ឍនភាពការងារ និងលើកទិសដៅការងារបន្ត

(ភ្នំពេញ)៖ នារសៀលថ្ងៃទី២៨ ខែធ្នូ ឆ្នាំ២០២៣នេះ លោកសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានអញ្ជើញដឹកនាំកិច្ចប្រជុំការងារប្រចាំខែធ្នូ ឆ្នាំ២០២៣ ដើម្បីពិនិត្យវឌ្ឍនភាពការងារអនុវត្តកន្លងមក និងលើកទិសដៅការងារបន្ត ព្រមទាំងផ្តល់អនុសាសន៍ដើម្បីឱ្យអនុវត្តកិច្ចការងារកាន់តែល្អប្រសើរ។ កិច្ចប្រជុំនេះបានធ្វើឡើងនៅទីស្តីការក្រសួង។

លោកសាស្រ្តាចារ្យរដ្ឋមន្ត្រី បានថ្លែងថា សម្រាប់ការពង្រឹង និងពិនិត្យលើវឌ្ឍនភាពការងារអនុវត្តកន្លងមក ឃើញមាននវានុវត្តន៍ល្អប្រសើរ ទាំងធនធានមនុស្ស កិច្ចការរដ្ឋបាល និងកិច្ចការរៀបចំពិនិត្យឡើងវិញ ដោយធ្វើបច្ចុប្បន្នភាពលិខិតបទដ្ឋាននានានៃវិស័យសុខាភិបាល។

លោកសាស្រ្តាចារ្យរដ្ឋមន្រ្តី បានស្នើឱ្យមន្រ្តីរាជការ និងបុគ្គលិកសុខាភិបាលទាំងអស់ បន្តចេះជួយគ្នា សាមគ្គីសហការគ្នា និងត្រូវខិតខំប្រឹងព្យាយាមបន្ថែមទៀត ក្នុងការអភិវឌ្ឍអង្គភាពរបស់ខ្លួន ឱ្យកាន់តែល្អប្រសើរថែមទៀត ដើម្បីអនុលោមទៅតាមគោលនយោបាយជាតិ។

សូមបញ្ជាក់ផងដែរ កិច្ចប្រជុំនេះមានការអញ្ជើញចូលរួមពីរដ្ឋលេខាធិការ អនុរដ្ឋលេខាធិការ ទីប្រឹក្សា អគ្គនាយក អគ្គនាយករង អគ្គាធិការ និងអគ្គាធិការរង លោក លោកស្រី ជាប្រធាន អនុប្រធាននាយកដ្ឋាន ប្រធានការិយាល័យ ប្រធានគ្រប់អង្គភាពថ្នាក់កណ្តាល ប្រធានមន្ទីរសុខាភិបាលនៃរដ្ឋបាលរាជធានី-ខេត្ត និងលោកនាយកសាលាមធ្យមសិក្សាភូមិភាគទាំង៤ផងដែរ៕

(សូមអានបន្ត)

ប្រសាសន៍សំខាន់ៗរបស់សម្តេចធិបតី ហ៊ុន ម៉ាណែត ក្នុងឱកាសអញ្ជើញអបអរសាទរខួប២៥ឆ្នាំ នៃការបញ្ចប់សង្គ្រាមស៊ីវិលនៅកម្ពុជា ក្រោមនយោបាយឈ្នះ-ឈ្នះ របស់សម្តេចតេជោ ហ៊ុន សែន

(ភ្នំពេញ)៖ នៅថ្ងៃសុក្រ ២រោច ខែមិគសិរ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៩ ខែធ្នូ ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញ​ជាអធិបតីក្នុងពិធីអបអរសាទរខួប ២៥ឆ្នាំនៃការបញ្ចប់សង្គ្រាមស៊ីវិលនៅ​កម្ពុជា និងការអនុវត្តប្រកបដោយជោគជ័យនយោបាយឈ្នះ-ឈ្នះ និងខួប៥ឆ្នាំ​នៃការកសាងវិមានឈ្នះ-ឈ្នះ។

(សូមអានបន្ត)

ឧបនាយករដ្ឋមន្រ្តី ទៀ សីហា ដឹកនាំកិច្ចប្រជុំឆ្លងសេចក្តីព្រាង របាយការណ៍បូកសរុបលទ្ធផលការងារឆ្នាំ២០២៣ និងលើកទិសដៅអនុវត្តឆ្នាំ២០២៤ របស់ក្រសួងការពារជាតិ

(ភ្នំពេញ)៖ នារសៀលថ្ងៃទី២៧ ខែធ្នូ ឆ្នាំ២០២៣នេះ លោកឧបនាយករដ្ឋមន្រ្តី ទៀ សីហា រដ្ឋមន្រ្តីក្រសួងការពារជាតិ បានដឹកនាំកិច្ចប្រជុំឆ្លងសេចក្តីព្រាងរបាយការណ៍បូកសរុបលទ្ធផលការងារឆ្នាំ២០២៣ និងលើកទិសដៅអនុវត្តឆ្នាំ២០២៤ របស់ក្រសួងការពារជាតិ។ កិច្ចប្រជុំនេះ ធ្វើឡើងនៅទីស្តីការក្រសួងការពារជាតិ ដោយមានការចូលរួមពីថ្នាក់ដឹកនាំក្រសួង អគ្គបញ្ជាការដ្ឋាន និងអង្គភាពក្រោមចំណុះនានា។

(សូមអានបន្ត)

រដ្ឋមន្រ្តីក្រសួងព័ត៌មាន ជំរុញឲ្យអាជ្ញាធរគ្រប់លំដាប់ថ្នាក់នៅខេត្ដក្រចេះ បន្តបំរើប្រជាពលរដ្ឋក្នុងមូលដ្ឋាន

(ក្រចេះ)៖ រដ្ឋមន្រ្តី នេត្រ ភក្ត្រា បានថ្លែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំ មន្ត្រីរដ្ឋបាលគ្រប់លំដាប់ថ្នាក់ក្នុងខេត្តក្រចេះ ដែលបំរើសេវាសាធារណៈ ជូនប្រជាពលរដ្ឋបានល្អ ហើយទទួលបានសេចក្តីទុកចិត្ត តាមរយៈការបោះឆ្នោតជ្រើសតាំងតំណាងរាស្រ្តកាលពីខែកក្កដា ឆ្នាំ២០២៣ កន្លងទៅ ដែលផ្តល់ជំនឿទុកចិត្តលើគណបក្សប្រជាជនកម្ពុជា ដើម្បីអោយបន្តដឹកនាំប្រទេសជាតិ ហើយមន្ត្រីគ្រប់ជាន់ថ្នាក់បន្តបំរើប្រជាពលរដ្ឋប្រកបដោយភាពស្មោះត្រង់ និងវិជ្ជាជីវៈខ្ពស់។

ការថ្លែងបែបនេះ របស់លោក នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តក្រចេះ ក្នុងឱកាសអញ្ជើញជាអធិបតីបិទសន្និបាតបូកសរុបលទ្ធផលការងារ ប្រចាំឆ្នាំ២០២៣ និងលើកទិសដៅការងារឆ្នាំ២០២៤ របស់រដ្ឋបាលខេត្តក្រចេះ នៅរសៀលថ្ងៃទី២៧ ខែធ្នូ ឆ្នាំ២០២៣ នាសាលមហោស្របខេត្តក្រចេះ។

លោក នេត្រ ភក្ត្រា ក្នុងនាមរាជរដ្ឋាភិបាលកម្ពុជា ក្នុងនាមសម្តេចមហាបវរធិបតីនាយករដ្ឋមន្ត្រី និងក្នុងនាមលោកផ្ទាល់ សូមសម្តែងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ លោក លោកស្រី ដែលជាថ្នាក់ដឹកនាំនៃរដ្ឋបាលគ្រប់លំដាប់ថ្នាក់ និងក្រុមការងាររាជរដ្ឋាភិបាលចុះមូលដ្ឋាន មន្រ្តីរាជការ កងកម្លាំងមានសមត្ថកិច្ចទាំងអស់ដែលបានយកអស់កម្លាំង ប្រាជ្ញា ស្មារតី សហការសាមគ្គីគ្នាបានយ៉ាងល្អនៅក្នុងការបំពេញតួនាទី ភារកិច្ចប្រកបដោយការទទួលខុសត្រូវ រហូតឈានទៅសម្រេចបាននូវសមិទ្ធផលនានាជាច្រើនជូន ប្រជាពលរដ្ឋ ក្នុងទូទាំងខេត្ត។

ជាមួយគ្នានេះ លោក នេត្រ ភក្ត្រា ក៏ជំរុញឲ្យអាជ្ញាធរគ្រប់លំដាប់ថ្នាក់បន្តបំរើប្រជាពលរដ្ឋក្នុងមូលដ្ឋានខេត្តក្រចេះ ដើម្បីបន្តកសាងជំនឿទុកចិត្តរបស់ប្រជាពលរដ្ឋ មកលើការដឹកនាំរបស់រាជរដ្ឋាភិបាល និងអាជ្ញាធរថ្នាក់ក្រោមជាតិ តាមរយៈការដាក់ចុះនូវវិធានការអនុវត្តការងារមួយចំនួនដើម្បីបំរើផលប្រយោជន៍ប្រជាជន ការអនុវត្តកម្មវិធីគោលនយោបាយ ជាអាទិភាពទាំង០៦ របស់រាជរដ្ឋាភិបាល គឺការអនុវត្តកម្មវិធីជាតិជំនួយសង្គម ផ្នែកបណ្តុះបណ្តាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រនិងគ្រួសារងាយរងហានិភ័យ កម្មវិធីគោលនយោបាយអាទិភាពសម្រាប់វិស័យកសិកម្ម កម្មវិធីជំនួយសង្គមក្នុងកញ្ចប់គ្រួសារ និង កម្មវិធី ជាតិស្ដីពីក្របខ័ណ្ឌកិច្ចគាំពារសង្គម ឆ្លើយតបនឹងគ្រោះ អាសន្ន -ល-។

លោកថា ហេតុនេះ រដ្ឋបាលខេត្ត ក្រុង ស្រុក ឃុំ សង្កាត់ មន្ទីរ និងអង្គភាពជំនាញ ត្រូវចូលរួមសហការនិងគាំទ្រដល់អនុវត្តកម្មវិធីគោលនយោបាយទាំងនេះក្នុងមូលដ្ឋានរបស់ខ្លួន ប្រកបដោយការទទួល ខុស ត្រូវខ្ពស់ ដើម្បីបម្រើប្រជាពលរដ្ឋប្រកបដោយតម្លាភាព និងគណនេយ្យភាព៕

(សូមអានបន្ត)

ព្រឹកថ្ងៃនេះសម្តេចធិបតី ហ៊ុន ម៉ាណែត អញ្ជើញសម្ពោធដាក់ឱ្យប្រើប្រាស់ ប្រព័ន្ធបង្ហូរទឹកកខ្វក់ក្នុងរាជធានីភ្នំពេញ

(ភ្នំពេញ)៖ នៅព្រឹកថ្ងៃពុធ ១៥កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៧ ខែធ្នូ ឆ្នាំ២០២៣នេះ សម្តេចមហាបវរ​ធិប​តី ហ៊ុន ម៉ាណែត នាយករដ្ឋមន្ត្រីកម្ពុជា អញ្ជើញជាអធិបតីក្នុងពិធី​សម្ពោធ​​ដាក់ឱ្យប្រើប្រាស់ប្រព័ន្ធបង្ហូរទឹកកខ្វក់ក្នុងរាជធានីភ្នំពេញ។

ទឹកសំណល់កខ្វក់ដែលបានកើតឡើងនៅក្នុងរាជធានីភ្នំពេញ បាន​​កើន​ឡើងយ៉ាងឆាប់រហ័សដោយសារកំណើនប្រជាជនក៏ដូចជាហេដ្ឋា​រចនា​សម្ព័ន្ធសំណង់អគារផ្សេងៗ។ ទឹកសំណល់កខ្វក់ក្នុងរាជធានី​ភ្នំពេញ​ ត្រូវ​បានហូរកាត់អាងបង្គន់តាមផ្ទះរបស់គ្រួសារនីមួយៗ និងសំណង់អគារ​អាជី​វកម្ម។ សារធាតុរាវក្នុងអាងបង្គន់ដែលអណ្ដែត​ខាងលើ ត្រូវ​បាន​បង្ហូរ​ចូលបឹងបួរតាមរយៈបណ្តាញលូ និងប្រឡាយហើយត្រូវបានបន្សុទ្ធតាម

បែប​ធម្មជាតិ ប៉ុន្តែនៅក្នុងកម្រិតមួយ។

ទោះជាយ៉ាងណាក៏ដោយបរិស្ថានទឹកនៅក្នុងរាជធានីភ្នំពេញ មាន​ការ​យ៉ាប់​យ៉ឺនយ៉ាងធ្ងន់ធ្ងរដោយសារតែភាពខ្វះខាតក្នុងការថែទាំអាងបង្គន់​មិន​​បានគ្រប់គ្រាន់ និងការចុះថយនៃមុខងារបន្សុទ្ធទឹកតាមបែប​ធម្មជាតិ​នៅក្នុងបឹងបួរបណ្តាលមកពីការគ្រប់គ្រងពុំបានហ្មត់ចត់​លើការចាក់រានដី និងការអភិវឌ្ឍន៍។ ជាពិសេសផ្ទៃបឹងជើងឯកដែលជាតំបន់​ស្ថិតនៅ​ក្នុង​គម្រោងសិក្សាត្រៀមនេះមានការថយចុះយ៉ាង​ខ្លាំង ជាពិសេសចាប់ពីឆ្នាំ២០០៣ ដល់ឆ្នាំ២០១៥ ធ្វើឱ្យប៉ះពាល់យ៉ាងធ្ងន់ធ្ងរដល់បរិស្ថាន និង​ជីវភាពរស់នៅរបស់ប្រជាពលរដ្ឋនៅជុំវិញបឹង។

ដោយឃើញពីបញ្ហាខាងលើនេះ ទីភ្នាក់ងារសហប្រតិបត្តិការអន្តរជាតិ​ជប៉ុន ហៅកាត់ថា JICA បានសិក្សាលើគម្រោងកែលម្អប្រព័ន្ធលូ​ទឹក​ភ្លៀង និងទឹកកខ្វក់រាជធានីភ្នំពេញ ពីឆ្នាំ២០១៤ ដល់ឆ្នាំ២០១៦ ដើម្បី​ឆ្លើយ​តបទៅនឹងសំណើរបស់រាជរដ្ឋាភិបាលកម្ពុជា។

ក្នុងគម្រោងការសិក្សានេះ ផែនការមេគ្រប់គ្រងទឹកកខ្វក់ និងការកែលម្អប្រព័ន្ធលូហៅកាត់ថា «គម្រោងមេ M/P» ត្រូវបានបង្កើតឡើង សម្រាប់​គោល​ដៅឆ្នាំ២០៣៥។ ក្នុងគម្រោងមេនេះ តំបន់ប្រព្រឹត្តកម្មបឹង​ជើង​ឯក​ដែលបច្ចុប្បន្នទឹកសំណល់កខ្វក់ពីកណ្ដាលរាជធានីភ្នំពេញ ត្រូវបានបង្ហូរ​ចេញ​ទៅកាន់បឹងជើងឯកតាមរយៈប្រឡាយ និងបណ្តាញលូ ដែលមាន​ស្រាប់ត្រូវបានកំណត់ឱ្យប្រើប្រាស់ប្រព្រឹត្តកម្មប្រមូលផ្តុំនៅក្រៅតំបន់។ លើសពីនេះទៅទៀតផែនការអនុវត្តជាដំណាក់កាលសម្រាប់តំបន់ប្រព្រឹត្តកម្មទឹកកខ្វក់រយៈពេលខ្លី (ដល់ឆ្នាំ២០២០) រយៈពេលមធ្យម (ពីឆ្នាំ ២០២១ ដល់ឆ្នាំ២០៣០) និងរយៈពេលវែង(ពីឆ្នាំ២០៣១ដល់ ឆ្នាំ២០៤០) ត្រូវបានបង្កើតឡើង។

គម្រោងនេះមានគោលដៅសាងសង់ស្ថានីយ៍ប្រព្រឹត្តកម្មទឹកកខ្វក់​ បំពង់​លូ និងសំណង់ស្ទាក់បូមបញ្ជូនទឹកកខ្វក់ដោយផ្អែកលើកម្មវិធីរយៈពេល​ខ្លីក្នុងការអនុវត្តជាដំណាក់កាលនៅក្នុងគម្រោងមេ។

គម្រោងខាងលើនេះ ត្រូវបានបើកការដ្ឋានសាងសង់កាលពីថ្ងៃទី២២ ខែកុម្ភៈ ឆ្នាំ២០២២ ក្រោមអធិបតីភាពសម្តេចតេជោ ហ៊ុន សែន អតីត​នាយក​រដ្ឋមន្ត្រីកម្ពុជា។

សំណង់ក្នុងគម្រោងដែលសម្ពោធដាក់ឱ្យប្រើប្រាស់នេះរួមមាន៖

១៖ សំណង់ស្ទាក់ និងបូមបញ្ជូនទឹកកខ្វក់ទៅស្ថានីយប្រព្រឹត្តកម្ម​ទឹកកខ្វក់​ជើងឯក ដែលមានសមត្ថភាពបូមបាន ៧ម៉ែត្រគូបក្នុងមួយនាទី។

២៖ ផ្លូវសម្រាប់ថែទាំប្រឡាយ និងសម្រាប់ជីកដាក់បំពង់លូដែកបង្ហូរ​ទឹក​កខ្វក់មកស្ថានីយ៍ប្រព្រឹត្តកម្មទឹកកខ្វក់ជើងឯក ប្រវែងប្រមាណ ១,៧០០ម៉ែត្រ ទទឹង ១០ម៉ែត្រ ក្រាលកៅស៊ូ AC។

៣៖ បំពង់លូដែកទំហំ ០.៣ម៉ែត្រ ប្រវែងប្រមាណ ១,៨៤០ម៉ែត្រ ដើម្បី​បង្ហូរ​​ទឹកកខ្វក់ពីសំណង់ស្ទាក់ និងបូមបញ្ជូនទឹកកខ្វក់មកស្ថានីយ៍​ប្រព្រឹត្ត​កម្ម​ទឹកកខ្វក់ជើងឯក។

៤៖ ស្ថានីយ៍ប្រព្រឹត្តកម្មទឹកកខ្វក់ជើងឯក ដែលមានសមត្ថភាព​ប្រព្រឹត្ត​កម្ម​ទឹក​កខ្វក់ចំនួន ៥,០០០ម៉ែត្រគូប ក្នុងមួយថ្ងៃ។

គម្រោងទាំងនេះប្រើប្រាស់ថវិកាសរុបប្រមាណ ២៤លានដុល្លារអាមេរិក។ ថវិកានេះ ជាជំនួយរបស់រដ្ឋាភិបាលជប៉ុន៕

(សូមអានបន្ត)